കോവിഡ് വ്യാജ നെഗറ്റീവ് സര്‍ട്ടിഫിക്കറ്റ് നല്‍കി 55ലക്ഷം തട്ടിയ കേസിലെ രണ്ടാംപ്രതി വിദേശത്തേക്ക് കടക്കുന്നതിനിടെ നെടുമ്പാശേരിയില്‍ പിടിയില്‍

Breaking Crime News

മലപ്പുറം: കോവിഡ് വ്യാജ നെഗറ്റീവ് സര്‍ട്ടിഫിക്കറ്റ് നല്‍കി 55ലക്ഷംരൂപ തട്ടിയെടുത്ത കേസിലെ രണ്ടാംപ്രതി വിദേശത്തേക്ക് കടക്കാനുള്ള നീക്കത്തിനിടെ നെടുമ്പാശേരി വിമാനത്തളവത്തില്‍വെച്ച് പിടിയില്‍.
മലപ്പുറം വളാഞ്ചേരിലിലെ അര്‍മ ലാബുടമയുടെ മകനും ലാബ് നടത്തിപ്പുകാരനുമായ രണ്ടാം പ്രതി ചെര്‍പ്പുളശ്ശേരി, തൂത തെക്കും മുറി സ്വദേശി സഞ്ജീദ് എസ് സാദത്തിനെ(20)യാണ് ഇന്ന് വളാഞ്ചേരി സി.ഐ ഷാജിയും സംഘവും നെടുമ്പാശേരി വിമാനത്തവളത്തില്‍വെച്ച് അറസ്റ്റ് ചെയ്തത്.
പ്രതിയെ വിദേശത്തേക്ക് രക്ഷപ്പെടാന്‍ ശ്രമിക്കുന്നതായ രഹസ്യവിവരത്തെ തുടര്‍ന്നാണ് പോലീസ് പ്രതിയെ പിന്തുടര്‍ന്ന് അറസ്റ്റ് ചെയ്തത്. തുടര്‍ന്ന് പ്രതിയെ ചോദ്യംചെയ്തതതോടെ കൂടുതല്‍ വിവരങ്ങള്‍ പോലീസിന് ലഭിച്ചു. ഇതിന്റെ അടിസ്ഥാനത്തില്‍ കൂട്ടുപ്രതിയായ വളാഞ്ചേരി കരേക്കാട് സ്വദേശി കപ്പൂത്ത് അഷ്റഫിന്റെ മകന്‍ മുഹമ്മദ് ഉനൈസ് (23) നെയും പോലീസ് അറസ്റ്റ് ചെയ്തു. കോവിഡ് വ്യാജ നെഗറ്റീവ് സര്‍ട്ടിഫിക്കറ്റ് നല്‍കി മലപ്പുറം വളാഞ്ചേരിലിലെ അര്‍മ ലാബ് തട്ടിയെടുത്ത് 55ലക്ഷംരൂപയാണെന്നാണ് പോലീസ് കണ്ടെത്തിയിട്ടുള്ളത്. മലപ്പുറം വളാഞ്ചേരിയിലെ അര്‍മ ലാബ് വ്യാജ കൊവിഡ് സര്‍ട്ടിഫിക്കറ്റ് നല്‍കിയത് 2250 പേര്‍ക്കാണ്. നേരത്തെ പിടിയിലായ ലാബ് ജീവനക്കാരന്‍ അബ്ദുല്‍ നാസറിനെ കോടതി റിമാന്‍ഡ് ചെയ്തിരുന്നു.. വഞ്ചന, വ്യാജ രേഖയുണ്ടാക്കി യഥാര്‍ത്ഥ സര്‍ട്ടിഫിക്കലാക്കി നല്‍കല്‍ തുടങ്ങിയ ഐ പി സി 465,468,471,420 വകുപ്പു ചുമത്തിയാണ് പോലീസ് കേസെടുത്തിട്ടുള്ളത്. ലാബ് ഉടമ സുനില്‍ സാദത്ത് എന്ന ബാബു കോടതിയില്‍ മുന്‍കൂര്‍ ജാമ്യത്തിന് അപേക്ഷ നല്‍കിയതിനാല്‍ അറസ്റ്റു ചെയ്തിട്ടില്ലായിരുന്നു. കഴിഞ്ഞ സെപ്റ്റംബര്‍ 13നാണ് പെരിന്തല്‍മണ്ണ തൂത സ്വദേശി കോവിഡ് പരിശോധനക്കായി അര്‍മ ലാബിനെ സമീപിച്ചത്. 14 ന് ഇയാള്‍ക്ക് കോവിഡ് നെഗറ്റീവ് സര്‍ട്ടിഫിക്കറ്റു നല്‍കി.15 ന് അര്‍മ ലാബില്‍ നിന്ന് തൂത സ്വദേശിയെ വിളിച്ചു പരിശോധനയില്‍ തെറ്റുണ്ടെന്നും വീണ്ടും സ്രവം എടുത്ത് പരിശോധിക്കണമെന്നറിയിക്കുകയായിരുന്നു. സംശയം തോന്നിയ ഇയാള്‍ കോഴിക്കോട്ടെ മൈക്രോ ലാബുമായി ബന്ധപ്പെട്ടപ്പോഴാണ് തന്റെ റിസള്‍ട്ട് പോസിറ്റീവാണെന്നും തനിക്ക് നല്‍കിയത് മറ്റൊരാളുടെ നെഗറ്റീവ് സര്‍ട്ടിഫിക്കറ്റ് തിരുത്തി തന്റെ പേരിലാക്കിയതാണെന്നും ഇദ്ദേഹമറിയുന്നത്. 2500 പേരുടെ സാമ്പിളുകള്‍ ലാബ് ശേഖരിച്ചു.ഇതില്‍ കോഴിക്കോട് മൈക്രോ ലാബിലേക്ക് 250 എണ്ണം മാത്രമേ അയച്ചിരുന്നുള്ളൂ. ബാക്കി 2250 പേര്‍ക്കും വ്യാജ നെഗറ്റീവ് സര്‍ട്ടിഫിക്കറ്റ് നല്‍കി. 2750 രൂപയാണ് ഓരോ ആളില്‍ നിന്നും പരിശോധനയ്ക്കായി ഈടാക്കിയത്.
അര്‍മ ലാബില്‍ നിന്നും കൊവിഡ് നെഗറ്റീവ് സര്‍ട്ടിഫിക്കറ്റോടെ വിദേശത്തേക്ക് പോയ ഒരാള്‍ക്ക് കൊവിഡ് സ്ഥിരീകരിച്ചിരുന്നു. ഇതേ തുടര്‍ന്ന് നടത്തിയ അന്വേഷണത്തിലാണ് തട്ടിപ്പ് പുറത്തുവരുന്നത്. കോഴിക്കോട് ആസ്ഥാനമായി പ്രവര്‍ത്തിക്കുന്ന മൈക്രോ ലാബിലേക്ക് സാമ്പിളുകള്‍ ശേഖരിച്ച് അയക്കുകയും അവരില്‍ നിന്ന് സര്‍ട്ടിഫിക്കറ്റ് ലഭ്യമാക്കി വിതരണം ചെയ്യുകയുമായിരുന്നു അര്‍മ ലാബ് ചെയ്തിരുന്നത്.
എന്നാല്‍ വെറും 250 ഓളം സാമ്പിളുകളാണ് ഇവര്‍ പരിശോധനയ്ക്കായി കോഴിക്കോട്ടേയ്ക്ക് അയച്ചത്. ബാക്കി സാമ്പിളുകള്‍ നശിപ്പിച്ചു കളയുകയും വ്യാജ നെഗറ്റീവ് സര്‍ട്ടിഫിക്കറ്റ് നിര്‍മിച്ച് നല്‍കുകയും ചെയ്തു. കേസ്സിലെ ഒന്നാം പ്രതിയായ അര്‍മലാബ് ഉടമ സുനില്‍സാദത്തിനെ പൊലീസ് പിടികൂടാനുണ്ട്.ഇയാള്‍ക്ക് കോവിഡ് പോസ്റ്റീവാണ്.കഴിഞ്ഞ ദിവസം ലാബ് ജീവനക്കാരന്‍ കരേക്കാട് സ്വദേശിയായ കാട്ടില്‍ വീട്ടില്‍ അബ്ദുല്‍ നാസറിനെ വളാഞ്ചേരി എസ്.എച്ച്.ഒ എം.കെ.ഷാജിയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്ത് കോടതിയില്‍ ഹാജറാക്കി റിമാന്റ് ചെയ്തിരുന്നു
അര്‍മ ലാബ് വ്യാജകോവിഡ് സര്‍ട്ടിഫിക്കറ്റ് നല്‍കിയ വാര്‍ത്ത പുറത്ത് വന്നതോടെ ആശങ്കയിലായിരിക്കുകയാണ് നാട്ടുകാര്‍.

Leave a Reply

Your email address will not be published. Required fields are marked *