കൊച്ചി : മിസ് കേരളം വിജയികളുടെ അപകട മരണത്തിൽ കാറോടിച്ചിരുന്ന ഡ്രൈവർ അബ്ദുൽ റഹ്‌മാന്റെ മൊഴി രേഖപ്പെടുത്തി. അപകടത്തിന് കാരണമായത് ഓഡി കാർ പിന്തുടർന്നതാണെന്നാണ് ഡ്രൈവറുടെ മൊഴി. മൊഴിയെത്തുടർന്ന് മത്സരയോട്ടം നടന്നിട്ടുണ്ടോയെന്ന അന്വേഷണത്തിലാണ് കേരള പോലീസ്.
നവംബർ ഒന്നിന് എറണാകുളത്ത് നടന്ന വാഹനാപകടത്തിലാണ് മിസ് കേരള 2019 അൻസി കബീറും റണ്ണറപ്പ് അഞ്ജന ഷാജനും മരണപ്പെട്ടത്. രാത്രി ഒരു മണിയോടെയാണ് അപകടം നടന്നത്. ഒരു ബൈക്കിൽ ഇടിക്കാതിരിക്കാൻ കാർ വെട്ടിത്തിരിക്കെയാണ് അപകടം നടന്നത് എന്നായിരുന്നു അന്നത്തെ റിപ്പോർട്.
അതേസമയം അന്നത്തെ പാർട്ടി നടന്ന ഹോട്ടലുടമ ഒളിവിലാണെന്നാണ് വിവരം. ഇയാളെ കണ്ടെത്താനുള്ള ശ്രമങ്ങളും ഊർജ്ജിതമായി നടക്കുന്നുണ്ട്. ദൃശ്യങ്ങൾ അടങ്ങിയ ഡിവിആർ ഒളിപ്പിച്ചത് ഹോട്ടലുടമ റോയിയുടെ നിർദ്ദേശ പ്രകാരമാണെന്നാണ് റിപ്പോർട്ട് നിലവിലുള്ളതുകൊണ്ട് കേസിൽ ദുരൂഹത നീങ്ങാൻ റോയിയെ ചോദ്യം ചെയ്യും.
