ബസ്‌റ്റോപ്പില്‍ നില്‍ക്കുകയായിരുന്ന 16കാരിയെ തട്ടിക്കൊണ്ടുപോയി ഗര്‍ഭിണിയാക്കിയത് ബസ് ജീവനക്കാരന്‍. പ്രതിക്ക് ജാമ്യമില്ല

Breaking Crime

മലപ്പുറം: ബസ്‌റ്റോപ്പില്‍ നില്‍ക്കുകയായിരുന്ന 16കാരിയെ ബൈക്കില്‍തട്ടിക്കൊണ്ടുപോയി ലോഡ്ജിലെത്തിച്ച ശേഷം പീഡിപ്പിച്ച് ഗര്‍ഭിണിയാക്കി കേസില്‍ അറസ്റ്റിലായ ബസ് ജീവനക്കാരനായ പ്രതിക്ക് ജാമ്യംനിഷേധിച്ച് മഞ്ചേരി പോക്സോ കോടതി. പ്രായപൂര്‍ത്തിയാകാത്ത പെണ്‍കുട്ടിയെ അങ്ങാടിപ്പുറത്തുനിന്നും ബൈക്കില്‍ തട്ടിക്കൊണ്ട് പോയി പീഡിപ്പിച്ച കേസില്‍ റിമാന്‍ഡില്‍ കഴിയുന്ന മലപ്പുറം പൊന്‍മള പറങ്കിമൂചിക്കല്‍ കൊളക്കാടന്‍ താമരശേരി വീട്ടിലെ ഷമീമിന്റെ (28) ജാമ്യാപേക്ഷയാണ് ഇന്ന് മഞ്ചേരി പോക്സോ കോടതി ജഡ്ജി ടി പി സുരേഷ്ബാബു തള്ളിയത്. ആറുമാസം മുമ്പായിരുന്നു കേസിനാസ്പദമായ സംഭവം. പെണ്‍കുട്ടിയെ അങ്ങാടിപ്പുറത്തുനിന്നു ബസ് കാത്തിരിക്കുകയായിരുന്ന ബൈക്കില്‍ കൊണ്ടു പോയി മലപ്പുറത്തെ ക്വാര്‍ട്ടേഴ്സില്‍ വച്ചു പീഡിപ്പിക്കുകയായിരുന്നു.
തുടര്‍ന്ന് ഗര്‍ഭിണിയായ പെണ്‍കുട്ടി സെപ്തംബര്‍ 22ന് പെരിന്തല്‍മണ്ണ പൊലീസില്‍ പരാതി നല്‍കുകയായിരുന്നു. പ്രതി മലപ്പുറം, പാലക്കാട് ജില്ലകളില്‍ ഒളിവില്‍ കഴിഞ്ഞു വരുന്നതിനിടെ പോലീസിന് ലഭിച്ച രഹസ്യവിവരത്തെത്തുടര്‍ന്നു മലപ്പുറം ടൗണില്‍ വച്ചാണ് ഒക്ടോബര്‍ ഒന്നിന് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തിരുന്നു.
. പെരിന്തല്‍മണ്ണ സി.ഐ സി.കെ നാസര്‍, എസ്.ഐ സി.കെ നൗഷാദ്, എ.എസ്.ഐ സുകുമാരന്‍, ഷാജിമോന്‍, സീനിയര്‍ സി.പി.ഒ ഫൈസല്‍, സി.പി.ഒമാരായ കബീര്‍, ഷജീര്‍, വിനീത്, മിഥുന്‍ എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.

Leave a Reply

Your email address will not be published. Required fields are marked *