യുവാവിനെ സംഘം ചേര്‍ന്ന് വാളും ഇരുമ്പുകമ്പികളും കൊണ്ട് അക്രമിച്ച കേസില്‍ ഒരാള്‍ കൂടി പിടിയില്‍

Breaking Crime Keralam News

മലപ്പുറം: യുവാവിനെ സംഘം ചേര്‍ന്നു വാളും ഇരുമ്പുകമ്പികളും ഉപയോഗിച്ച് ആക്രമിച്ച കേസില്‍ പുല്‍പ്പറ്റ വളമംഗലം സ്വദേശി പട്ടണംചാലില്‍ കാളിക്കണ്ടം വീട്ടില്‍ ഫസലുല്‍ ആബിദിനെ (26) പോലീസ് അറസ്റ്റ് ചെയ്തു. കാടപ്പടിയിലെ ബന്ധുവീട്ടില്‍ ഒളിവില്‍ കഴിയുകയായിരുന്നു ഇയാള്‍. ജൂണ്‍ അഞ്ചിനായിരുന്നു സംഭവം. പുല്‍പ്പറ്റ വളമംഗലത്തുവച്ച് പ്രതിയും കൂട്ടുപ്രതികളും ചേര്‍ന്ന് മഞ്ചേരി സ്വദേശിയെ ആക്രമിച്ച ഗുരുതരമായി പരിക്കേല്‍പ്പിച്ചിരുന്നു. പരാതിക്കാരന്റെ മൂക്കിന്റെ എല്ല് തകര്‍ന്നു. കേസില്‍ പ്രതിയായ വളമംഗലം സ്വദേശി പാച്ചേങ്ങല്‍ അബ്ദുള്ളയെ നേരത്തെ അറസ്റ്റ് ചെയ്തിരുന്നു. ഫസലുല്‍ ആബിദിനെ ഒളിവില്‍ കഴിയാന്‍ സഹായിച്ചവരെക്കുറിച്ച് അന്വേഷണം നടക്കുന്നുണ്ട്. കേസില്‍ ഒരാളെ കൂടി പിടികൂടാനുണ്ട്. മഞ്ചേരി എസ്.എച്ച്.ഒ സി. അലവിയുടെ നേതൃത്വത്തില്‍ എസ്‌ഐ പി.കെ. കമറുസമാന്‍, ആര്‍. രാജേന്ദ്രന്‍ നായര്‍, സ്‌പെഷല്‍ സ്‌ക്വാഡ് അംഗങ്ങളായ എ.എസ്.ഐ പി. വിജയന്‍, പി. മുഹമ്മദ് സലീം, എം. ഷഹബിന്‍, അനൂപ്, നിഷ എന്നിവരാണ് പ്രതിയെ അറസ്റ്റ് ചെയ്തത്.