തോമസ് ഐസക്കിന്റേത് അസ്സല്‍ തള്ളല്‍: കുഞ്ഞാലിക്കുട്ടി

Breaking Politics

മലപ്പുറം: കഴിഞ്ഞ കാലങ്ങളില്‍ പ്രഖ്യാപിച്ച് നടപ്പാക്കാതെ പോയ വാഗ്ദാനങ്ങള്‍ മറന്ന് പോകുന്ന പോക്കിലുള്ള അസ്സല്‍ തള്ളാണ് ബജറ്റിലൂടെ ധനമന്ത്രി നടത്തിയതെന്ന് മുസ്ലിം ലീഗ് ദേശീയ ജനറല്‍ സെക്രട്ടറി പി. കെ കുഞ്ഞാലിക്കുട്ടി പറഞ്ഞു. ഇടതു സര്‍ക്കാരിന്റെ അവസാന ബജറ്റ് ആദ്യ ബജറ്റ് പോലെയാണ് തോന്നുന്നത്. അഞ്ചു വര്‍ഷമായി ഒന്നും പ്രയോഗവത്കരിക്കാതെ കുറെ തത്വങ്ങള്‍ പറയുക മാത്രമാണ് ഐസക് ചെയ്തത്. തെരഞ്ഞെടുപ്പു മുന്നില്‍ കണ്ടുള്ള അസ്സല്‍ തള്ളാണ് നടന്നത്. കടം കയറി മുടിഞ്ഞിരിക്കുകയാണ്. എല്ലാ മേഖലയും തകര്‍ന്നു. അഞ്ചു വര്‍ഷം ഭരിച്ചിട്ട് ഒരു നേട്ടവും സര്‍ക്കാര്‍ ഉണ്ടാക്കിയില്ല. നേട്ടങ്ങളെക്കുറിച്ച് ഒന്നും പറയാതെ പ്രൊജക്ടുകള്‍ പ്രഖ്യാപിക്കുക മാത്രമാണ് ചെയ്യുന്നതെന്നും അദ്ദേഹം പറഞ്ഞു.
യഥാര്‍ഥ്യവുമായി ഒരു ബന്ധവുമില്ലാതെ വെറും പ്രഖ്യാപനങ്ങള്‍ മാത്രമാണ് നടത്തിയത്. സംസ്ഥാനത്തെ വലിയ സാമ്പത്തിക പ്രതിസന്ധിയിലാക്കിയാണ് ഇടതു ഭരണം അവസാനിക്കുന്നത്. യു.ഡി.എഫ് ഭരിക്കുമ്പോള്‍ ഇത്രയും വലിയ കടക്കെണി ഉണ്ടായിട്ടില്ല. ജനങ്ങളുടെ പോക്കറ്റില്‍ പണമെത്തിക്കുന്ന അഭിമാന പദ്ധതികളാണ് യു ഡി എഫ് പ്രകടന പത്രിക മുന്നോട്ടു വെക്കുന്നതെന്നും കുഞ്ഞാലിക്കുട്ടി പറഞ്ഞു.

Leave a Reply

Your email address will not be published. Required fields are marked *