പ്രഭാസിന്റെ നായികയായി ദീപിക പദുകോണ്‍വരുന്നു

Breaking More

ബാഹുബലിയുടെ നായികയായി ദീപിക പദുകോണ്‍വരുന്നു. ബാഹുബലിയായി നിറഞ്ഞാടിയ തെന്നിന്ത്യന്‍ സൂപ്പര്‍ സ്റ്റാര്‍ പ്രഭാസിനെ നായകനാക്കി നാഗ് അശ്വിന്‍ സംവിധാനം ചെയ്യുന്ന പുതിയ ചിത്രത്തില്‍ ദീപിക പദുകോണ്‍ നായികയാകുന്നു. ആരാധകര്‍ ഏറെ ആവേശത്തോടെ കാത്തിരിക്കുന്ന പ്രഭാസിന്റെ 21 ാമത്തെ ചിത്രമാണിത്. ഇതുവരെ ചിത്രത്തിന് പേരിട്ടിട്ടില്ല. ചിത്രത്തില്‍ നായികയായി എത്തുന്നത് ബോളിവുഡ് സൂപ്പര്‍ സ്റ്റാര്‍ ദീപിക പദുകോണ്‍ ആണെന്നതാണ് പ്രത്യേകത. പ്രശസ്ത സംവിധായകനും നടനുമായ സിംഗീതം ശ്രീനിവാസ റാവു ഇപ്പോഴിതാ ചിത്രത്തിന്റെ ക്രിയേറ്റീവ് മെന്റര്‍ ആയി എത്തിയിരിക്കുകയാണ്. സിംഗീതം ശ്രീനിവാസ റാവുവിന്റെ 89ാം ജന്മദിനത്തോട് അനുബന്ധിച്ചാണ് ചിത്രത്തിന്റെ സംവിധായകന്‍ നാഗ് അശ്വിന്‍ ഇക്കാര്യം വെളിപ്പെടുത്തിയത്. പ്രഭാസ് 21 ന്റെ പ്രൊഡക്ഷന്‍ ഹൗസായ വിജയന്തി മൂവീസ് ട്വിറ്ററില്‍ കുറച്ചത് ഇങ്ങനെയായിരുന്നു.ഏറെക്കാലമായി കാത്തിരുന്ന ഒരു സ്വപ്നം ഒടുവില്‍ സാക്ഷാത്കരിക്കുന്നു. ഞങ്ങളുടെ ഇതിഹാസത്തിലേക്ക് സിംഗീതം ശ്രീനിവാസ റാവു ഗാരുവിനെ സ്വാഗതം ചെയ്യുന്നതില്‍ ഞങ്ങള്‍ക്ക് സന്തോഷമുണ്ട്. അദ്ദേഹത്തിന്റെ സൃഷ്ടിപരമായ മഹാശക്തികള്‍ തീര്‍ച്ചയായും ഞങ്ങള്‍ക്ക് വഴികാട്ടിയാവും’.
തെലുങ്ക് സിനിമ സംവിധായകര്‍ തങ്ങളുടെ ഗുരുവായി കാണുന്ന വ്യക്തിയാണ് സിംഗീതം ശ്രീനിവാസ റാവു. നിര്‍മ്മാതാവ്, തിരക്കഥാകൃത്ത്, സംഗീത സംവിധായകന്‍, ഗായകന്‍, ഗാനരചയിതാവ്, നടന്‍ എന്നീ നിലകളിലും സിംഗീതം ശ്രീനിവാസ റാവു ഇതിനോടകം കഴിവ് തെളിയിച്ചയാളാണ്. അദ്ദേഹം ചില പരീക്ഷണാത്മക ചിത്രങ്ങളിലൂടെ ദക്ഷിണേന്ത്യന്‍ സിനിമയില്‍ വിപ്ലവം സൃഷ്ടിച്ചിട്ടുണ്ട്.
രണ്ട് ദേശീയ ചലച്ചിത്ര അവാര്‍ഡുകള്‍ അടക്കം നിരവധി പുരസ്‌ക്കാരങ്ങള്‍ കരസ്ഥമാക്കിയ പ്രതിഭയുടെ സാന്നിധ്യം ചിത്രത്തിന് കരുത്തായി മാറുമെന്നാണ് അണിയറ പ്രവര്‍ത്തകര്‍ പ്രതീക്ഷിക്കുന്നത്. 1988ല്‍ അദ്ദേഹം കമലഹാസനെ നായകനാക്കി സംവിധാനം ചെയ്ത നിശബ്ദ ചിത്രമായ പുഷ്പക വിമാനം അന്താരാഷ്ട്ര നിരൂപക പ്രശംസ നേടിയ ചിത്രമാണ്. 1988 കാന്‍സ് ഫിലിം ഫെസ്റ്റിവല്‍ പ്രീമിയര്‍ ഉള്‍പ്പെടെ അന്താരാഷ്ട്ര പ്രശംസ നേടിയ ഈ ചിത്രം മികച്ച ചലച്ചിത്രത്തിനുള്ള ദേശീയ ചലച്ചിത്ര അവാര്‍ഡും മികച്ച ചിത്രത്തിനുള്ള ഫിലിംഫെയര്‍ അവാര്‍ഡും സ്വന്തമാക്കിയിട്ടുണ്ട്. മൈക്കിള്‍ മദന കാമരാജന്‍, അപൂര്‍വ്വരാഗം തുടങ്ങി നിരവധി കമല്‍ഹാസന്‍ ചിത്രങ്ങളും സിംഗീതം ശ്രീനിവാസ റാവു ഒരുക്കിയിരുന്ന
വെജയന്തി ഫിലിംസ് തങ്ങളുടെ 50ാം വാര്‍ഷിക വേളയിലാണ് നാഗ് അശ്വിന്‍ സംവിധാനം ചെയ്യുന്ന വന്‍ ചിത്രത്തിന്റെ പ്രഖ്യാപനം നടത്തിയത്.തെലുങ്കിന് പുറമേ തമിഴിലും മലയാളത്തിലും ഹിന്ദിയിലും ഇംഗ്ലിഷിലും ചിത്രമെത്തും. ‘മഹാനടി’ എന്ന ചിത്രത്തിന് ശേഷം നാഗ് അശ്വിന്‍ സംവിധാനം ചെയ്യുന്ന ഈ ചിത്രം ബിഗ് ബജറ്റില്‍ ഒരുങ്ങുന്ന ചിത്രം സയന്‍സ് ഫിക്ഷന്‍ എന്റര്‍ടെയ്‌നറാകും. സാങ്കല്‍പ്പിക മൂന്നാം ലോക മഹായുദ്ധത്തിന്റെ പശ്ചാത്തലത്തില്‍ നടക്കുന്ന ഒരു സയന്‍സ് ഫിക്ഷന്‍ ത്രില്ലറാണ് ചിത്രമെന്നാണ് സൂചന. 2021 അവസാനം സിനിമയുടെ ചിത്രീകരണം തുടങ്ങും.

Leave a Reply

Your email address will not be published. Required fields are marked *