മലപ്പുറം: കെ ജി എം ഒ എ യുടെ നേതൃത്വത്തില്‍ സംസ്ഥാന വ്യാപകമായി നടത്തു അമൃത കിരണം മെഡി ഐ ക്യു സീസണ്‍ 5 ക്വിസ് പ്രോഗ്രാമിന്റെ മലപ്പുറം ജില്ലാതല ഫൈനല്‍ മല്‍സരം ഇന്നലെ മലപ്പുറം കെ. ജി. എം. ഒ. എ ഹൗസില്‍ വച്ച് നടന്നു. മത്സരത്തിനെത്തിയ 17 സ്‌കൂള്‍ ടീമുകളില്‍ നിന്ന് തിരഞ്ഞെടുക്കപ്പെട്ട ആറു ടീമുകളാണ് ഫൈനല്‍ മത്സരത്തില്‍ മാറ്റുരച്ചത്.
മലപ്പുറം കെ ജി എം ഒ എ പ്രസിഡന്റ് ഡോക്ടര്‍ മൊയ്ദീന്‍ കെ പി യുടെ അദ്ധ്യക്ഷതയില്‍ ചേര്‍ന്ന പരിപാടിക്ക് അമൃതകിരണം കണ്‍വീനറും ക്വിസ് മാസ്റ്ററുമായ ഡോക്ടര്‍ അശ്വതി സോമന്‍ സ്വാഗതം പ്രസംഗം നടത്തി. കെ ജി എം ഒ എ മുന്‍സംസ്ഥാന പ്രസിഡന്റ് ഡോ. റൗഫ് ഉല്‍ഘാടനം നിര്‍വഹിക്കുകയും വിദ്യാര്‍ഥികളില്‍ ശാസ്ത്ര അവബോധത്തിന്റെ ആവശ്യകത എന്ന വിഷയത്തില്‍ ക്ലാസ്നടത്തുകയും ചെയ്തു.. ക്വിസ് മാസ്റ്റര്‍ ഡോക്ടര്‍ ബിജു തയ്യില്‍, ഡോ. ബിനില അരുണ്‍, ഡോ സജീല എന്നിവര്‍ ആശംസകള്‍ നേര്‍ന്നു. ജില്ലാ ട്രീഷറര്‍ ഡോ. ദിലീപ് നന്ദി പ്രകാശനം നടത്തി.
ഒരു പ്രശ്‌നോത്തരി എന്നതിലുപരി ജനങ്ങള്‍ക്കിടയില്‍ നിലനില്കുന്ന പല അബദ്ധജടിലമായ ചിന്തകളും അശാസ്ത്രിയതകളും വ്യാജ ചികില്‍സാ രീതികളും അവരെ മനസ്സിലാക്കിച്ച് ശാസ്ത്ര അവബോധം ജനങ്ങളിലേക്ക് എത്തിക്കുക
എന്ന ഉദ്ദേശത്തോടെ ഡോക്ടര്‍ അശ്വതിയും സോമനും ഡോക്ടര്‍ ബിജു തയ്യിലും പ്രശ്‌നോത്തരിക്കിടയില്‍ കിട്ടിയ സമയങ്ങളില്‍ വളരെ വിദഗ്ധമായി ഒട്ടനവധി സന്ദേശങ്ങള്‍ പ്രേഷകരിലേക്ക് എത്തിച്ചു.
മത്സരത്തില്‍ മലപ്പുറം സെന്റ്. ജമ്മാസ് ജി.വി. എച്ച്. എച്ച് എസ്സിലെ അപര്‍ണയും ,നിയ യും അടങ്ങുന്ന ടീം ഒന്നാം സ്ഥാനം നേടി ജനുവരി 21 ന് കോഴിക്കോട് വച്ച് നടക്കുന്ന സംസ്ഥാന തല ഫൈനല്‍ മല്‍സരത്തില്‍ പങ്കെടുക്കാന്‍ യോഗ്യത നേടി.
ജി.വി.എച്ച്. എച്ച് .എസ് മക്കരപറമ്പിലെ ലയ അന്‍വര്‍, പാര്‍വതി എന്നിവര്‍ രണ്ടാം സ്ഥാനവും ,പി.ടി എം എച്ച് എസ് എസ് താഴെകൊടിലെ ഫാത്തിമ മിന്‍ഹ, അശ്ഫിനാ എന്നിവര്‍ മൂന്നാം സ്ഥാനവും കരസ്ഥമാക്കി. ഒന്നും രണ്ടും മൂന്നും സ്ഥാനക്കാര്‍ യഥാക്രമം 5000 രൂപ, 2500രൂപ, 1000 രൂപ ക്യാഷ് അവാര്‍ഡിനും അര്‍ഹരായി .
